प्यंगःथामय् बुगंद्यःया प्रतिमूर्ति ह्यागृव भैरवनाथ व ३२ पानेजु संघयात लःल्हायेवं आः विवाद मिले जूगु दु।

मूर्ति विवाद मिले जुइवं थौं पानेजु संघं थौं सुथय् किपूलि वना प्यंगःथामय् याकःमिसायात प्रसाद ग्रहणया लागि प्रसाद यकूगु दु।

वंगु  मंसिर १५ गते सुखी गँछेः समाजं किपूलिइ प्यंगःथामय् बुगंद्यःया प्रतिमूर्ति व याकःमिसाया मूर्ति स्थापना यायेवं विवाद सुरु जुगु खः।

बुगंद्यःया रथ थतिया इटी त्वाः नं जावलाख्यः सालेगु स्वया प्यन्हु न्ह्यः ह्यागृव भैरवनाथ व ३२ पानेजु मध्येया जल पानेजुपिन्स किपूलि च्वंगु प्यंगःथामय् याकःमिसायात स्वां तयेयकिइगु परम्परा दुगु खः।

Categorized in राष्ट्रिय