२०८० चैत्र १६, शुक्रबार

आईपीएल क्रिकेटय् राजस्थानं पन्जाबयात प्यंगु विकेट त्याकल

राम डंगोल | तछलाथ्व पारु ११४३, जेठ ६ शनिवाः

इन्डियन प्रिमियर लिग (आईपीएल) क्रिकेटय् राजस्थान रोयल्सं पन्जाब किंग्सयात प्यंगु विकेटं बूकुगु दु।

वंगु चान्ह्यः हिमाञ्चल प्रदेशया धरमशालाय् जूगु कासाय् १ सय ८८ रनया लक्ष्य राजस्थानं १९ ओभर ४ बलय् खुगु विकेटय् पूरा याःगु खः।

देवदत्त पडिक्कल व यशस्वी जैसवालं अर्धशतक दयकूगु खः। पडिक्कलं ५१ व जैसवालं ५० रन दयकूगु खःसा शिमरोन हेटमारं ४६ रन दयकूगु खः।

पन्जाबया कागिसो रवाडां निगु व साम करन, अर्शदिप सिंह, नाथन एलिस व राहुल चहारपिन्स छगु छगु विकेट काःगु खः।

टस बूया न्हापा ब्याटिङ याःगु पन्जाबं निर्धारित २० ओभरय् न्यागू विकेटय् १ सय ८७ रन दयकूगु खः। साम करनं अविजित ४९ रन, जितेश शर्मां ४४ व शाहरुख खानं अविजित ४१ रन दयकूगु खः।

राजस्थानया नवदीप सैनीं स्वंगू विकेट, ट्रेन्ट बोल्ट व एडम जाम्पापिन्स छगू छगू विकेट काःगु खः।

Categorized in कासा