आकाश माडवालया सानदार बलिङयासे न्यागु विकेट कायेवं लखनउ सुपर जायनट्सयात ८१ रनं पराजित यासे मुम्बई इन्डियन्स इन्डियन प्रिमियर लिग (आईपीएल) २०२३ या क्वालिफायर टु य् प्रवेश याःगु दु।

म्हिगः बुधवाः चेन्नाइलय् जूगु कासाय् मुम्बइ न बिःगु १८३ रनया लक्ष्य लखनउ न १६.३ ओभरय् १०१ रनय् अलआउट जूगु खः। उगु कासाय् आकाश माडवालं ३.३ ओभरय् ५ रन बिया ५ विकेट कःगु खः।

क्रिस जोर्डन व पियुष चावलां छगु छगु विकेट काःगु खः। लखनउया लागि मार्कुस स्टोइनिसं २७ बलय दकलय् अप्पो ४० रन, कायल मेयर्सं १८ व दिपक हुडां १५ रन दयकूगु खः।

न्हापा टस त्याका न्हापा ब्याटिङ याःगु मुम्बइ न निर्धारित २० ओभरय् ८ विकेटय् १८२ रन दयकूगु ख । मुम्बइया लागि क्यामरुन ग्रीनं २३ बलय् दकलय् अप्पो ४१ रन, सूर्यकुमार यादवं २० बलय् ३३ रन, तिलक बर्मां २२ बलय् २६ रन दयकूगु खः। मुम्बइ न आः फाइनलये वनेत न्हापागु क्वालिफायरय् पराजित गुजरात टाइटन्सनाप म्हिनिइगु जुगु दु।

लिगया न्हापागु थासय् च्वंगु साविक विजेता गुजरात न्हापागु क्वालिफायरय् चेन्नाइ सुपर किंग्सनाप १५ रनं पराजित जूगु खः। लिगया निगु थासय् दुगु गुजरातं फाइनलय् वनेत मेगु अवसर दुगु खः। गुजरातं निगुगु क्वालिफायरय् मुम्बइनाप कन्ह्यः शुक्रवाः घरेलु मैदान नरेन्द्र मोदी स्टेडियमय् म्हितीइगु जुगु दु।

Categorized in कासा