भारतयात बूका अस्ट्रेलियां निक्वःगु विश्व टेस्ट च्याम्पियनशिपया उपाधि त्याकूगु दु। बेलायतया ओभलय् जूगु फाइनल कासाय भारतयात २ सय ९ रनं बूका अस्ट्रेलियां उपाधि त्याकूगु खः।

फाइनल त्याकेगु निति ४ सय ४४ रनया विशाल लक्ष्यय् भारत २ सय ३४ रनय् अलआउट जूगु खः। भारतया विराट कोहलीं ४९, अजिन्क्या रहाणें ४६ व रोहित शर्मां ४३ रन दयकूगु खः।

बलिङय् अस्ट्रेलियाया नाथन लायनं प्यंगू, स्कट बोल्यान्डं स्वंगू व मिचेल स्टार्कं निगु विकेट काःगु खः। थ्व स्वया न्ह्यः अस्ट्रेलियां २ सय ७० रनय् च्याःगु विकेटय् निगुगु पारी समाप्तिया घोषणा याःगु खः।

न्हापागु पारीइ अस्ट्रेलियां ४ सय ६९ व भारतं २ सय ९६ रन दयकूगु खः। थुगु कासा नाप भारत निक्वः तक उपविजेता जूगु दु। थ्व स्वया न्ह्यः सन् २०२१ य् जूगु न्हापागु संस्करणया फाइनलय् भारत न्युजिल्यान्डनाप पराजित जूगु खः।

Categorized in कासा