येँ महानगरपालिका दुने च्वंगु सामुदायिक विद्यालयया शिक्षकपिन्त मासिक तलब वइगु जुगु दु। उकिया लागि ३० करोडया सोध भर्ना कोष खडा याःगु दु।

आर्थिक वर्ष २०८०÷८१ या बजेट प्रस्तुत यासे येँ महानगरपालिकाया उपमेयर सुनिता डंगोलं सामुदायिक विद्यालयया शिक्षकपिनिगु मासिक तलब भुक्तानी यायेत ३० करोडया सोध भर्ना कोष यानागु दु धका जानकारी बिःगु खः।

आः शिक्षकपिन्स प्यलाय् छकः तलब कया वयाच्वंगु खः। येँ महानगरपालिकां प्रधानाध्यापकया मासिक भत्ता वृद्धि यायेगु न घोषणा यानादीगु खः।

येँ महानगरं शिक्षा क्षेत्रय् १ अर्ब ३२ करोड ९ लाख ३३ हजार रुपैयाँ विनियोजन याःगु खः। अथेहे ‘गरिखाने शिक्षा, महानगरको इच्छा’ ज्याझ्वःया लागि ५० करोड रुपैयाँ खर्च याइगु जूगु दु।

अथेतु सामुदायिक विद्यालय जःखः सूचुपिचू यायेत व बालाकेत ५ करोड रुपैयाँ विनियोजन याःगु दु। सामुदायिक विद्यालयय् छगु विद्यालय छम्ह नर्स व छगु विद्यालय छम्ह सामाजिक सहजकर्ताया व्यवस्थापन तक याइगु जुगु दु।

Categorized in राष्ट्रिय