प्रमुख प्रतिपक्ष दल नेकपा एमालें राष्ट्रियसभाय् प्रधानमन्त्री पुष्पकमल दाहाल प्रचण्डया राजीनामा फ्वंगु दु। प्रधानमन्त्रीं छु दिं न्ह्यः जक भारतीय नागरिक प्रितम सिंह थःत प्रधानमन्त्री दयकेत पटक पटक दिल्ली वःगु धका बिःगु अभिव्यक्ति थःपिन्त स्वीकार्य मदु धक धासे एमालें राजीनामा माग याःगु खः।

थौं बुधवाः न्हिनय् २ः३० बजे च्वंगु राष्ट्रियसभा बैठकय् एमाले संसदीय दलया नेता देवेन्द्र दाहालं ई कया न्ववायेगु झ्वलय् दिल्लीया इशाराय् प्रधानमन्त्री जूगुलि थःपिन्त स्वीकार्य मदु धका धाःगु खः।

एमालेया सांसदपि थःगु सिटय् दना अवरोध यायेवं राष्ट्रियसभा अध्यक्ष गणेश तिमिल्सिनां बैठक स्थगित याःगु खः।

Categorized in राजनीति