लुँ तस्करी प्रकरणय् आःतक १६ म्हेसित ज्वने धुकुगु दु। लिपागु इलय् सरकारी कर्मचारी नाप खुुम्हेसित ज्वःगु दु।

स्वम्ह भन्सारया कर्मचारी व स्वम्ह भन्सार एजेन्टपिन्त राजश्व अनुसन्धान विभागं ज्वंगु दु। विभागया कथं भन्सार अधिकृत सन्तोष चन्द, जाँचकी कुमार ढकाल व एक्सरे अपरेटर सरोज श्रेष्ठयात ज्वःगु धका धाःगु दु।

अथेहे, भन्सार एजेन्टपि सुदर्शन गौतम, रुकमेणा सुब्बा व यादव पराजुलीयात ज्वःगु दु। थप अनुसन्धान यायेत उच्च अदालत यलं खुन्हुया म्याद बिःगु दु।

अथेहे, गुन्हुया म्याद थप जुगुलि चिनियाँ नागरिक जेयुङ लिननाप कार्गो कम्पनीया सञ्चालकपि राजन श्रेष्ठ, कृष्ण श्रेष्ठ व पुष्करराज भट्टपि खः।

लुँ ज्वःगु ट्याक्सीया चालक अशोक रानामगर, भन्सार एजेन्ट राजेन्द्रकुमार राई, लुँ हःगु कम्पनी रेडी ट्रेड प्रालिया सञ्चालक दिलीप भुजेल व ग्वाहलियाःपि हर्कराज राई, थुक्पिन छिरिङ व रामकुमार भुजेलयात झीन्हुया म्याद कया अनुसन्धान जुयाच्वगु दु।

Categorized in अपराध