रत्नकीर्ति महाविहार अध्ययन मण्डल, मखंया ग्वसालय् लच्छिया छकः हरेक लाया लिपागु शनिवाः न्ह्याना वयाच्वगु अनुसन्धान नाप सूचनामूलक कार्यशाला ज्याझ्वलय् चचा गुरु मणिरत्न बज्राचार्यं चर्या(चचा) व तुतः विषययात कया कार्यपत्र न्ह्ब्बःगु दु।

उगु कार्यपत्रय् चचागुरु मणि रत्न बज्राचार्यं चचा व तुतःया महत्वया लिसें उकिया थीथी पक्षयात कःघाना थःगु खँ न्ह्यब्वयादीगु खः। रत्नकीर्ति महाविहारया नायः विद्यामान बज्राचार्य न ब्बति दुगु उगु ज्याझ्वलय् ग्वसाः खलःया नायः जीतेन्द्र विलास बज्राचार्यं नं थःगु खँ तयादीगु खः । उगु ज्याझ्वलय् कार्यपत्रयात कयाः प्रा. मदन सेन बज्राचार्यं टिप्पणी यानादीगु खः।

ज्याझ्वलय् सुजन बिलास बज्राचार्यं लसकुस न्वचु बियादीगु खःसा महाविहारया छ्यान्जे सागर मान बज्राचार्यं चचा व तुतःया विषययात कःघाना थःगु खँ तयादीगु खः।उगु ज्याझ्वलय् लोटस रिसर्च सेन्टरपाखें बुद्ध जयन्तीया लसताय् ग्वसाःग्वगु निबन्ध कासाय् न्हापलाम्ह रबिन्द्र बज्राचार्ययात भिन्तुना व हनिगु ज्या जुगु खः ।

न्हाप सिरपा कथं वगु झीद्धः नगद सिरपा फुक्क अध्ययन मण्डलया कोषाध्यक्ष निरजबिलासयात लः ल्हाना बिज्यागु जगु खः ।

Categorized in राष्ट्रिय