संसद अवरोधबारे सहलह यायेत प्रधानमन्त्री पुष्पकमल दाहाल प्रचण्डं राष्ट्रिय मान्यताप्राप्त दलया नेतापिन्त सःतूगु दु। सहलह यायेगु निति थौ सिंहदरबारस्थित प्रधानमन्त्री कार्यालयय् सःतूगु खः।

संसदया पंगः चिइकेगु निति प्रधानमन्त्री प्रचण्डं राष्ट्रिय मान्यताप्राप्त दलया शीर्ष नेतापि नाप सहलह याइगु धका प्रधानमन्त्रीया प्रेस सल्लाहकार गोविन्द आचार्यं जानकारी बिःगु दु।

वंगु निर्वाचनय् नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी व जनमत पार्टीं थ्रेसहोल्ड कटे याना राष्ट्रिय मान्यताप्राप्त पार्टी जूगु खः।

लुँ तस्करी प्रकरणयात उच्चस्तरीय छानबिन समिति गठन याये माःगु माग यासे प्रमुख प्रतिपक्षी दल नेकपा एमालें साउन १० गतेनिसे संसद अवरुद्ध याना वयाच्वंगु खः।

Categorized in राष्ट्रिय