२०८१ आषाढ ५, बुधबार

भारतया चन्द्रयान–३ चन्द्रमाय् अवतरण

लहनान्युज | गुंलाथ्व सप्तमी ११४३, भदौ ६ बुधवाः

भारतं छ्वंगू चन्द्रयान–३ चन्द्रमाय् सफलतापूर्वक अवतरण जूगु दु। भारतीय ई कथं ६ बजे जूया ४ मिनेटय् चन्द्रयान–३ चन्द्रमाय् अवतरण जूगु खः।

थ्व नाप भारत चन्द्रमाय् ’सफ्ट ल्यान्डिङ’ याउगु प्यगुगू व चन्द्रमाय् दक्षिणी ध्रुवपाखे अवतरण याःगु न्हापागु देय् जूगु खः। थ्व स्वया न्ह्यः भारतया चन्द्रयान–३ स्वया छु दिं न्ह्यः चन्द्रमाय् दक्षिणी ध्रुवय् अवतरण यायेत तयारी याःगु रुसया यान लुना–२५ दुर्घटना जुइवं भारत न्हापागु देय् जूगु खः।

अमेरिका, रुस व चीनं चन्द्रमाया भूमध्य रेखा नापं यान अवतरण याये धुकुगु दु सा दक्षिणी ध्रुवय् अवतरण याये फुगु मदुगु खः । चन्द्रयान–३ या मू आज्जू धइगु लःया आधारये बरफ मालेगु ज्या याइ।

उकिइ भविष्यय् चन्द्रमाय् मानव बसोबास जुइगु खँय् ग्वाहालि याइ धका वैज्ञानिकपिन्स धाःगु दु। वंगु जुलाई १४ तारिखय् भारतीय ई कथं न्हिनसिया २ बजे जूया ३५ मिनेटय् हरिकोटापाखे उडान याना चन्द्रयान–३, ४० दिं लिपा चन्द्रमाय् थ्यःगु खः।

Categorized in अन्तर्राष्ट्रिय