हलि नेवाः दबूया नायः श्रेष्ठयात हनं
लहनान्युज | गुंलाथ्व दशमी ११४३, भदौ ९ शनिवाः
हलि नेवाः दबू नेपाः च्याटरं हलि नेवाः दबूया केन्द्रिय नायः सयुक्तm श्रेष्ठयात छगू ज्याझ्वः दथुइ हना ज्याझ्वः याःगु दु।
बिशेषपाहाँ येँ महानगरपालिकाया निवर्तमान मेयर बिद्यासुन्दर शाक्यं स्वामां क्वखाय्का व मूपाहाँ बागमती प्रदेशया संस्कृति, पर्यटन लिसे सहकारीमन्त्री पुकार महर्जनं दबूया केन्द्रिय नायः श्रेष्ठयात हनादीगु खः।
नेपाः च्याटरया नायः सुरेन्द्रभक्त श्रेष्ठया सभाध्यक्षताय् जुगु उगु ज्याझ्वलय् थी थी पदय् मनोनित जूपिन्त मूपाहाँ मन्त्री महर्जनपाखे मनोनित जूपिन्त पौ लःल्हाःगु खः। नेपाः च्याटरय् मू संरक्षक कथं समाजसेवी पञ्चवीर सिंह तुलाधर, संरक्षकय् सुवर्णकेशरी चित्रकारयात मनोनित याःगु खः।
अथेहे, सल्लाहकारय् नरेन्द्रभक्त हाडा, पुष्करभक्त माथेमा, अम्बिका श्रेष्ठ, रघुवरभक्त मानन्धर, विजय प्रकाश सैंजु, ई. नहेन्द्र प्रधान, सुर बहादुर श्रेष्ठ, हरि स्यस्यः व उमेश स्थापितयात मनोनित याःगु खः।
दुजलय् अम्बिका तुलाधर, उत्तम श्रेष्ठ, निराकार श्रेष्ठयात मनोनित याःगु खः।
