एसिया कप क्रिकेटय् श्रीलङ्कानाप पराजित जुइवं बङ्लादेश पिहावःगु दु। सुपर फोरय् लगातार निकः तक बुइवं बङ्लादेश फाइनल वनिइगु सम्भावना क्वचाःगु दु।

बङ्लादेश म्हिगः निगुगु कासाय् श्रीलङ्कानाप २१ रनं पराजित जुगु खः। अथेहे, न्हापागु कासाय् पाकिस्ताननाप ७ विकेटं बूगु खः। सुपर फोरया लिपागु कासा बङ्लादेशं भारतनाप म्हितीइगु जुगु दु। घरेलु मैदान कोलम्बोय् म्हिगः जूगु कासाय् श्रीलङ्कां बङ्लादेशयात त्याकेगु निति २ सय ५८ रनया लक्ष्य बिःगु खः। बङ्लादेश ४८ ओभर १ बलय् २ सय ३६ रनय् अलआउट जूगु खः।

बङ्लादेशया तोहिड ह्रिदों दकलय् अप्पो ८२ रनया पार म्हितीगु खः। श्रीलङ्काया महेश तिक्ष्णा, दसुन सनका व महिषा पथिरनापिन्स स्वंगू स्वंगू विकेट काःगु खः। वय स्वया न्ह्यः न्हापां ब्याटिङ यासे श्रीलङ्कां निर्धारित ५० ओभरय् ९ विकेट गुमे याना २ सय ५७ रन दयकूगु खः । श्रीलङ्काया सदिरा समरविक्रमां ९३ रनया पारी म्हितूगु खः।

कुशल मेन्डिस ५० रन दयकूगु खः। बङ्लादेशया तक्सिन अहमद व हसन मोहमदं स्वंगु स्वंगु विकेट काःगु खः। 

Categorized in कासा