२०८१ आषाढ ३१, सोमबार

श्रीशान्तिघट संरक्षण समितिइ शुभकाजी शाक्य सर्वसम्मत नायः

लहनान्युज | यंलाथ्व द्धितीया ११४३, भाद्र ३१ आईतवाः

श्रीघःया शाक्य सर्वसंघं निस्वनातःगु श्रीशान्तिघट बज्रधातु चैत्य महाविहार संरक्षण समितिइ न्हूधाः जूगु दु ।

समितिया च्याक्वःगु वार्षिक साधारण सभां शुभकाजी शाक्ययात न्हूम्ह नायः कथं सर्वसम्मतं ल्यःगु दु। समितिया न्वकु कमलरत्न शाक्य, छ्यान्जे पुरन शाक्य, दाँभरीं रबिन्द्र शाक्य, लिउ छ्यान्जे अनिल शाक्य, लिउ दाँभरीं रसना शाक्यपि न सर्वसम्मत कथं ल्यःगु खः। अथे दुजलय् सुरेश काजी शाक्य, अष्टरत्न शाक्य, सुरेश शाक्य पुतलीसडक ,राजेश शाक्य व दिनेश शाक्ययात ल्यःगु दु ।

संरक्षण समितिया तत्कालिन नायः शुभकाजी शाक्यया सभाध्यक्षताय् जुगु  उगु ज्याझ्वलय् येँ महानगरपालिकाया सम्पदा लिसे पर्यटन विभागया प्रमूख अर्चना श्रेष्ठ शाक्य मूपाहाँ कथं झायादीगु खः । साधारण सभाय् तत्कालिन छ्यान्जे पुरन शाक्यं समितिया वार्षिक प्रतिवेदन व तत्कालिन दाँभरीं सर्वज्ञरत्न शाक्यं आर्थिक प्रतिवेदन न्ह्यबयादीगु खः ।

वार्षिक साधारण सभाया झ्वलय् श्रीघलय् शाक्य सर्वसंघ परिवार मुना  गुंला लच्छियंक्क तुतः ब्वना क्वचागु लसता ज्याझ्वः नं हंगु खःसा थुगुसिइ एसइइ पास जूपिं सर्वसंघया मस्तयेत नं सिरपा लःल्हाय्गु ज्या जूगु खः ।

Categorized in राष्ट्रिय