नेकपा एमाले बागमती प्रदेश अध्यक्ष कैलाश ढुंगेल विजयी जूगु दु।

शुक्रवाः जूगु निर्वाचनय् मेम्ह प्रत्यासी कृष्णप्रसाद दाहालयात २५७ मतं लिउने लाका ढुंगेल अध्यक्षय् विजयी जूगु खः। ढुङ्गेलं ६९६ मत हया विजयी जूगुलि दाहालं ४३९ मत हःगु खः। उपाध्यक्ष पदय् दावा दोर्जे लामा विजयी जूगु खः।

अथेहे सचिवय् नवराज सिलवाल छगू मतं विजयी जूगु खः। सिलवाल ५६८ मत हया विजयी जूगुलि मेम्ह प्रत्यासी हस्त पण्डितं ५६७ मत हःगु खः। खुल्ला उपसचिवय् प्रेम बहादुर महर्जन व मिसा उपसचिवय् भक्त कुमारी लामा विजयी जूगु खः।

अथेहे दुजलय् मधुसूदन पौडेल, सरोज सिंह डंगोल, कृष्ण प्रसाद सापकोटा, मिठाराम केसी, ज्ञान रत्न डंगोल, राम हरी बजगाई, प्रेम भक्त महर्जन, दामोदर खड्का, मैना अछामी, देवकि श्रेष्ठ, तारा संजेल, सरस्वति खड्का, निर्मला थापा, भवानि बजगाई, प्रदिप चौलागाई व दिनेस अछामी बिजयी जूगु खः।

Categorized in राजनीति