२०८१ आषाढ १२, बुधबार

चीनया रक्षामन्त्री ली साङ्फु बर्खास्त

लहनान्युज | कौलाथ्व एकादशी ११४४, कार्तिक ८

सार्वजनिक मञ्चय् खनेमदुगु निला लिपा चीनं रक्षामन्त्री ली साङ्फुयात औपचारिक कथं बर्खास्त याःगु दु । छाय् चिइकूगु धाःसा सिइ मदुनि । चीनं न्हुम्ह रक्षामन्त्री धाःसा घोषणा याःगु मदुनि ।

सी चिनफिङया मन्त्रिपरिषद सदस्य विदेशमन्त्री क्विन ग्याङयात वंगु जुलाईपाखे बर्खास्त याःगु खः । वयात बर्खास्त याये धुका उच्च सैन्य अधिकारी तयेत न चिइकूगु दु व आः रक्षामन्त्री न बर्खास्त यायेगु धलखय् दु धका बीबीसीं धाःगु दु।

चीनया शीर्ष विधायक तय्सं न वयात चिइकेगु निर्णय नेशनल पिपुल्स कंग्रेसया स्थायी समितिं याःगु दु धका चीनया सीसीटीभीया रिपोर्टय् दु । थुगु वाःपाखे बेइजिङय् विदेशी रक्षा अधिकारी तय्त चीनं लसकुस यायेत तयारी यायेत्यःगु दु ।

उगु इलय् हे रक्षामन्त्री औपचारिक चिइकूगु दु । रोयटर्सं वंगु महिनाया रिपोर्ट कथं रक्षामन्त्री उपकरण खरिद व विकाससम्बन्धी संदिग्ध भ्रष्टाचार याःगु अनुसन्धानय् सालाकाःगु खः ।

Categorized in अन्तर्राष्ट्रिय