बहुपति प्रथाया आधारित डकुमेन्ट्री ’सहायक श्रीमान’ (को–हजबेन्ड) नं क्यानडाय् नगद सिरपा ना बालागु चिंहाकगु संकिपाया अवार्ड त्याकूगु दु।

क्यानडाया टोरोन्टाय् जूगु ज्याझ्वलय् ३६ दँया पुलागु प्रतिष्ठित सोसाइटी अफ भिजुअल इन्थ्रोपोलोजी संकिपा एन्ड मिडिया फेस्टिभलय् को–हजबेन्डं स्वसः अमेरिकी डलर नापं बालागु चिहाकंगु अवार्ड त्याकूगु खः। अवार्ड ज्याझ्वलय् फिल्म फेस्टिभलया सहनिर्देशक युनिभर्सिटी अफ साउर्दन क्यालिफोर्नियाया एशोशियट प्रोफेसर जेनिफर कुल व युनिभर्सिटी अफ कोलारोड बोउल्डरया एशोशियट प्रोफेसर क्रिश्चियन ह्यामन्सं को–हजबेन्डया निर्देशक गणेश पाण्डे व निर्मात्री शारदा गैरेयात उगु पुरस्कार हस्तान्तरण याःगु खः।

अमेरिकन एन्थ्रोपोलिजिकल एशोशियन व क्यानेडियन एन्थ्रोपोलोजी सोसाइटीं ३६ दँनिसे दँय् दँसं अन्तर्राष्ट्रिय सम्मेलननापं फिल्म व मिडिया महोत्सव याना वयाच्वंगु खः। निर्देशक पाण्डेया को–हजबेन्डं थ्व स्वया न्ह्यः न विश्वया प्रतिष्ठित फिल्म फेस्टिभलय् अवार्ड त्याके धुकुगु खः।

बहुपति प्रथाया आधारित ३५ मिनेटया डकुमेन्ट्री फिल्म कर्णाली प्रदेशया हुम्लाय् छायांकन याःगु खः। छेँ दुपि गुलि न दाजुकिजा तय्गु छम्ह हे ब्याहा याइगु बाखंयात कया उगु संकिपायात निर्देशक पाण्डे न याःगु खः। साइन मिडिया प्रालिं निर्माण याःगु खः। 

Categorized in मनोरन्जन