सरकारं एनसेलया ८० प्रतिशत हिस्सेदार कम्पनी रेनोल्ड होल्डिङ्सया शेयर खरिद–बिक्रीया निर्णयबारे अध्ययन यायेत उच्चस्तरीय समिति गठन याःगु दु।

थौं च्वंगु मन्त्रिपरिषद बैठकं पूर्वमहालेखा परीक्षक टंकमणि शर्माया संयोजकत्वय् न्याम्ह सदस्यीय समिति गठन याःगु दु धका सरकारया प्रवक्ता रेखा शर्मां जानकारी बिःगु दु।

उगु समितिइ सचिव फणिन्द्र गौतम, सहसचिव बाबुराम भण्डारी, हृदयेश कुमार शाक्य व आइक्यानया अध्यक्ष सुजन कुमार काफ्ले दुगु खः।

सरकारया प्रवक्ता नापं सञ्चार लिसे सूचना प्रविधिमन्त्री रेखा शर्मां धयादीगु दु, ‘एन्सेलया शेयर खरिदबिक्रीया सन्दर्भय् वयाच्वंगु न्ह्यसः खः, उगु न्ह्यसःयात अध्ययन याना प्रतिवेदन पेश यायेत उच्चस्तरिय समिति निर्माण याना मन्त्रिपरिषदं निर्णय याइ।’ वयकलं धयादीगु दु, समितियात लच्छिया इ बियातःगु दु ।

Categorized in राष्ट्रिय