भारतं थीथी ज्याझ्वः दथुइ ७५ क्वःगु गणतन्त्र दिवस हंगु दु। भारत ब्रिटिस उपनिवेशपाखे १९४७ या अगष्ट १५ य् स्वतन्त्र जूगु खः।

१९५० या जनवरी २६ य् संविधान जारी जुइवं भारत सार्वभौम, लोकतान्त्रिक व गणतन्त्रात्मक राष्ट्र घोषित जूगु खः। दिवसया लसताय् थुगु दँय् फ्रान्सया राष्ट्रपति इम्यानुएल म्याक्रोनयात मूपाहाँ दयकूगु दु।

थौं वयकः ट्याङ्क, ऊँट घोड गया व लडाकू जेट फ्लाई पास्टनाप रङ्गीन सैन्य मार्चपासय् सहभागी जुइ धका बीबीसी हिन्दीं धाःगु दु। भारतया विदेश मन्त्रालयं न्हुगु दिल्ली व पेरिस ‘रणनीतिक साझेदार’ जूगु धका धाःगु दु।

फ्रान्सेली राष्ट्रपतिं थःगु भ्रमणं भारत व फ्रान्स दथुइ कुटनीतिक व आर्थिक सम्बन्धयात बालक्क यकिइगु जुइ धका धयादीगु दु।

Categorized in अन्तर्राष्ट्रिय