त्रिभुवन विश्वविद्यालया उपकुलपतिइ प्रा. डा. केशरजंग बराल नियुक्त जूगु दु।

त्रिविया कुलपति लिसे प्रधानमन्त्री पुष्पकमल दाहाल प्रचण्डं थौ बिहीवाः बरालयात उपकुलपति नियुक्त याःगु खः। प्रधानमन्त्री प्रचण्डं उपकुलपति सिफारिसया लागि शिक्षा, विज्ञान लिसे प्रविधिमन्त्री अशोक राई नेतृत्वय् समिति गठन याःगु खः।

समितिं चित्रबहादुर बुढाथोकी, बराल व टंकनाथ धमलाया नां सिफारिस याःगु खः।

प्रधानमन्त्रीं न्हापागु थासय् लाम्ह बुढाथोकीयात त्वःता बरालयात उपकुलपतिइ नियुक्त याःगु खः। सिफारिस समिति स्रोतया कथं थीथी मापदण्डया आधारय् बिःगु ल्याखं बुढाथोकी २ अंकं न्ह्यने खनेदुगु खः।

Categorized in राष्ट्रिय