२०८१ आषाढ ५, बुधबार

मनाङ्ग मेनियाः कासा व मनोरंजन ज्याझ्वः

क्षितिज श्रेष्ठ | सिल्लागा षष्ठी ११४४, फागुन १८ शुक्रवाः

काठमान्डू लिजेंड्सया ग्वसालय् मनाङ्ग मेनिया नांया कासा व मनोरन्जनात्मक ज्याझ्वः हलिमय नांजाःगु अन्नपुर्णया मनाङ्गमाय् जुइगु दु।

म्हिगः शुक्रवाः नक्सालये जुगु छगु पत्रकार सम्मेलनय् न्ववासे लेजेण्डया अध्यक्ष रमेश अवाले न थ्व हे वइगु फागुन २५ निसे २८ गते तक मनाङ्ग मेनिया नामय् मोटरसाइकल राइडर तयेगु मेला व थीथी कासा जुइ धका धयादीगु खः।

ज्याझ्वःया मूआज्जु राइडिंग कल्चर बिकास यायेगु, रोयल इनफिल्ड कम्युनिटी अप्पाकेगु, आन्तरिक लिसे बाह्य पर्यटन प्रवर्द्धन, मोटर साइकल टुरिज्म प्रवर्द्धन, रोड सेफ्टी, सतक अनुशासन, रोजगारी सिर्जना नाप देशय् जिडीपीइ ग्वहालि जुइ धका जानकारी बिःगु खः।

उगु ज्याझ्वःया निति नेपाःया थीथी जिल्लापाखे व मोटरसाइकल क्लबपाखे ब्बति कायेगु निति भारत, भुटान, अस्ट्रेलिया, टकीयाना करीब १५० म्हेसिया ब्बति काइगु जुगु दु।

Categorized in कासा