नागरिक उन्मुक्ति पार्टीया अध्यक्ष रञ्जिता श्रेष्ठ चौधरीं कमलबहादुर शाह नेतृत्वया सरकार त्वःत्येत प्रदेश सभा सदस्यपिन्त निर्देशन बिःगु दु।

पार्टी अध्यक्षयात छु न सहलह मयासे म्हिगः चान्ह्यः सरकारय् छाय् वनागु धका पार्टी अध्यक्ष चौधरीें संसदीय दलया नेता घनश्याम चौधरीयात थौ हे सरकार त्वोत्यत  निर्देशन बिउगु दु। नागरिक उन्मुक्तिया न्ह्यय् म्ह प्रदेश सभा सदस्यमध्ये शुक्रवाः सरकार विस्तार याउगुलि स्वम्ह मन्त्री व छम्ह राज्यमन्त्री जूगु खः।

शुक्रवाः चान्ह्यः मुख्यमन्त्री शाहं उन्मुक्तिया संसदीय दलया नेता घनश्याम चौधरीयात आर्थिक मामिला मन्त्री, खुसीराम चौधरीयात विना विभागीय मन्त्री व ईन्द्रा गिरियात भूमी व्यवस्था कृषि लिसे सहकारी राज्यमन्त्रीइ नियुक्त याःगु खः। उन्मुक्तिपाखे सरकारय् प्यम्ह मन्त्री जुगु खः।

आः नागरिक उन्मुक्तिया संरक्षक रेशमलाल चौधरी व पार्टी अध्यक्ष रञ्जीता दथुइ सरकारय् वनेगु वा मवनेगु धइगु विवाद जुयाच्वंगु दु।

Categorized in राष्ट्रिय