२०८१ जेठ १२, शनिबार

नेवाः पासा मुना पुचःपाखे पत्रकार जोस्ना श्रेष्ठ व विष्णु श्रेष्ठयात हन

लहनान्युज | चिल्लाथ्व नवमी ११४४, चैत्र ५ सोमवाः

नेवाः पासा मुना पुचः बिर्तामोड झापाय् क्रियाशिल नेवाः समुदाया निम्ह पत्रकारपिन्त हना ज्या जुगु दु।

जोस्ना श्रेष्ठ व विष्णु श्रेष्ठयात नेवाः पासा मुना पुचः बिर्तामोडं ३० क्वःगु साधारण सभाय् हना ज्याझ्वः याःगु खः। पत्रकार बिष्णु एपी वान व जोस्ना जन आन्दोलन डटकमय् ज्या यानाच्वंपि खः।

नेपालभाषा व सस्कृति संरक्षणय् सञ्चार माध्यमपाखे ज्या यागुलि पत्रकारपिन्त हना ज्या यानागु खः धका संस्थाया नायः दिनेश श्रेष्ठं धयादीगु खः।

उगु ज्याझ्वलय् मुपाहाँ भाषाविद गणेश बज्रचार्यं निम्ह पत्रकारपिन्त हनापौ लःल्हागु खः। बिर्तामोड खानेपानी लिसे सरसफाई उपभोक्ता सस्थाया दुजः पदय् निर्वाचित जूपि माया प्रधान व बिर्तामोड उद्योग बाणिज्य संघ दुजः पदय् निर्वाचित संस्थाया नायः दिनेश श्रेष्ठयात न मूपाहाँ बज्रचार्यं हनापौ लःल्हागु खः।

संस्थापाखे बिर्तामोड उद्योग बाणिज्य संघया नवनिर्वाचित पुचःयात न भिंतुना बिइगु ज्या जुगु खः।

Categorized in राष्ट्रिय