विश्व कविता दिवसया लसताय् स्वंगू सफू विमोचन जूगु दु। उगु ज्याझ्वलय् गाजलं दाःगु चा, चिन्तनया लँय् जि व अमुलिइ प्यकालँय् जि जि नांया सफू विमोचन जूगु खः।

फू विमोचन  मंकाः कथं नेपालभाषा केन्द्रीय विभागया प्रमुख डा. राजन लाल जोशी, प्राज्ञ ध्रुव मधिकर्मी व साहित्यकार पूर्ण ताम्रकारपिन्स यानादीगु खः। खुगू दसक न्ह्यः नं प्रकाशनय् वयेधुंकूगु डा.आनन्द जोशी व विमल ताम्रकारं सम्पादन याःगु ‘गाजलं दाःगु चा’या निगूगु संस्करण पिदंगु खः।

रुवरिक व कुतः पिकाकया ग्वसालय् जूगु उगु ज्याझ्वलय् गायक सत्यनारायण मानन्धरं नेपालभाषा साहित्यया आदिकवि महिन्द्र मल्लं रचना याःगु कवितायात म्ये हाला न्यंकादीगु खः।

Categorized in राष्ट्रिय