२०८१ बैशाख १०, सोमबार

जगन्नाथ थपलियापाखे शपथ ग्रहण

लहनान्युज | सिल्लागा षष्ठी ११४४, चैत्र १८ आईतवाः

बाग्मती प्रदेशया मुख्यमन्त्री शालिकराम जम्कट्टेलं मन्त्रिपरिषद् विस्तार याःगु दु।

मुख्यमन्त्री जम्कट्टेलं एमाले संसदीय दलया नेता जगन्नाथ थपलियायात आर्थिक मामिला लिसे योजनामन्त्रीइ नियुक्त याःगु दु। नवनियुक्त मन्त्री थपलियां म्हिगः बहनि प्रदेश प्रमुख यादव शर्मापाखे पद व गोपनियताया शपथ ग्रहण याःगु खः।

थ्व स्वया न्ह्यः बिहीवाः मुख्यमन्त्री जम्कट्टेलं हाम्रो नेपाली पार्टी (हानेपा)या नेता शैलेन्द्र बज्राचार्ययात संस्कृति, पर्यटन लिसे सहकारीमन्त्रीइ नियुक्त याःगु खः। मुख्यमन्त्री जम्कट्टेलं कन्ह्यः विश्वासया मत काइगु जूगु दु।

Categorized in राष्ट्रिय