बागमती प्रदेश सरकारं पारित याःगु भाषा विधेयक लागु जूगु लसताय् थौं बैशाख २४ गत तःजिक ज्याझ्वः जुगु दु। थौ सुथय् येँया बसन्तपुरं पिदँगु ¥यालि नेवाः व तामाङ्गतय्स ब्बति काःगु खः।

उगु ¥यालि येँया थःने क्वःने चाहिला बसन्तपुरय् सभा याःगुु खः। संविधानय् व्यवस्था यानातःगु भाषा आयोगया सिफारिस कथं बागमती प्रदेश सरकारं पारित याःगु प्रदेश सरकारी कामकाजीया भाषा सम्बन्धय् दयेकूगु ऐन २०८० थौं २०८१ बैशाख २४ गते, नेपाल संवत ११४४ चौलागा त्रयोदसी, मञ्जुश्री संवत् २८६० या दिं व्यवहारय् लागु जुगु खः।

थौ थुकिया घोषणा बसन्तपुरय् आः जुइत्यंगु आः संघीय राजधानी येँया सांस्कृतिक केन्द्र बसन्तपुरय् प्रधानमन्त्री पुष्पकमल दाहाल प्रचण्ड मूपाहाँ कथं झायादीगु खःसा बागमती प्रदेशया मुख्यमन्त्री शालिकराम जम्मरकट्टेल विशेष पाहाँ कथं सहभागी जुयादीगु खः।

बागमती प्रदेश सरकारं भाषा ऐन लागू जुगु लसताय् थौं सोमवाः बागमती प्रदेशय् दुने सार्वजनिक बिदा बियातःगु दु।

Categorized in राष्ट्रिय