२०८१ आषाढ ३०, आइतबार

जस्प्रित बुमराह टी–२० विश्वकपय् दकलय् बालाम्ह कासामि

क्षितिज श्रेष्ठ | तछलागा नवमी ११४४, असार १५ आईतवाः

भारतीय तीव्र गतिया बलर जस्प्रित बुमराह आईसीसी टी–२० विश्वकप २०२४ य् दकलय् बालाम्ह कासामि जूगु दु। भारतयात अपराजित यासे च्याम्पियन जूम्ह बुमराहं मूक्कं कासाय् १५ विकेट काःगु खः।

बुमराहं च्यागू कासाय् ४.१७ या इकोनमीइ रन खर्चयासे १५ विकेट काःगु खः।बुमराहं आयरल्यान्ड, बंगलादेश, दक्षिण अफ्रिका व इंग्ल्यान्डयात २–२ विकेट कागु खः। अथेहे अफगानिस्तान व पाकिस्तानयात ३–३ व अष्ट्रेलियायात १ विकेट काःगु खः।

म्हिगः जूगु कासाय् भारतं फाइनल कासाय् दक्षिण अफ्रिकायात ७ रनं बूका टी–२० विश्वकप उपाधि त्याकूगु खः। १७७ रनया दक्षिण अफ्रिकां २० ओभरय् ८ विकेटय् १६९ रन दयकूगु खः। लिपागु ३० बलय् ३० रन माःगु खः।

बुमराहं ४ ओभरय् १८ रन खच याना निगु महत्वपूर्ण विकेट काःगु खः।

Categorized in कासा