गुथिया जग्गा धका धासे यल महानगरपालिकां अख्तियार दुरुपयोग अनुसन्धान आयोगया आयुक्त डा. सुमित्रा अमात्यया छेँय् पखाः थुना बिउगु दु।

यल महानगरपालिका–१० चाकुपाटस्थित डा. अमात्यया छेँया कम्पाउण्डया पखाः थौ बुधवाः न्हिनय् महानगरपालिकां डोजर अथे पखाः थुना बिउगु खः। डा. सुमित्रा अमात्य व डा. दिवस अमात्यं व वंगु २०७८ असोज १ गते १५ आना ३ पैसा क्षेत्रफलय् दुगु छेँ व जग्गा न्याना तःगु महानगरपालिकां पेस याःगु भ्वँतय् खने दुगु खः।

जग्गा न्याय् धुका पखाः ग्वःगु खः।अथे पखाः दउगु इलय् द्यःया थाय् च्वंगु जग्गा मिचे याःगु धका स्थानीय तयेसं द्धपाः बिउगु खः। यल महानगरपालिका–१० या तःननी गुथिया गुथियार सुरेशमान महर्जनं उगु जग्गा गुथिया नामय् दुगुलि गुथियारतय्स संरचना चिइकेत इनाप याःगु खः।

आयुक्त अमात्यं स्थानीय समुदायया हे इनापय् खुल्ला थाय् पार्क दयकःगु धका धाःगु दु।

Categorized in राष्ट्रिय