रास्वपाया मन्त्रीपिन्स थौ राजीनामा बिइगु
लहनान्युज | तछलागा त्रयोदशी ११४४, असार २० बिहीवाः
राष्ट्रिय स्वतन्त्र पार्टी (रास्वपा) या मन्त्रीपिन्स थौ राजीनामा बिइगु जुगु दु। रास्वपाया प्रमुख सचेतक सन्तोष परियारं थौ सुथय् प्रधानमन्त्री पुष्पकमल दाहाल प्रचण्डयात नापलाना मन्त्रीतय्स राजीनामा लःल्हाइगु जानकारी बिःगु दु।
सरकारय् रास्वपाया सभापति रवि लामिछाने उपप्रधानमन्त्री लिसे गृहमन्त्री, उपसभापति डोलप्रसाद अर्याल श्रम लिसे रोजगार मन्त्री, सुमना श्रेष्ठ शिक्षा मन्त्री व विराजभक्त श्रेष्ठ युवा लिसे खेलकुद मन्त्री जूयाच्वंगु खः।
मंगलवाः च्वंगु रास्वपाया पदाधिकारी बैठकं कांग्रेस–एमाले गठबन्धनया सरकारय् सहभागी मजुइगु निर्णय याःगु खः।
Categorized in राष्ट्रिय
