लियोनल मेसीया गोलं अर्जेन्टिना कोपा अमेरिका थौ बुधवाः जूगु कासाय् क्यानाडायात २–० गोलं बुकाः अर्जेन्टिनां कोपा अमेरिकाया फाइनलय् वंगु दु।

आः डिफेन्डिङ च्याम्पियनया न्ह्यःने उपाधि रक्षा यायेगु अवसर वःगु दु। फाइनलय् कोलम्बिया व उरुग्वे दथुइ सूत्यात वनाप म्हितीइगु जुगु दु। न्हापांगु हाफया २३ गु मिनेटय् विश्वविजेता अर्जेन्टिनां जुलियन अल्भारेजं गोल याःगु खः।

वया लिपा कप्तान मेस्सीं कासाया ५१ गु मिनेटय् निगूगु गोल याःगु खः। उगु कासाय् मेसीया थ्व न्हापांगु गोल खः। थ्वलिसें अन्तर्राष्ट्रिय फुटबलय् दकलय् अप्वः गोल याःपिं मेस्सी निगूगु थासय् थ्यंगु दु। अर्जेन्टिनाया नितिं वयागु थ्व १०९ गु गोल खः।

मेसीं इरानया अली दाइयात लिउने लाकूगु दु। दाइं १०८ गोल याःगु खः। दकलय् अप्पो १३० गोल यानाः पोर्चुगलया क्रिस्टियानो रोनाल्डो न्ह्यने दु।

Categorized in कासा