स्पेन युरो कपया फाइनलय् थ्यंगु दु । मंगलवाः चान्हय् जूगु कासाय् फ्रान्सयात २–१ गोलं बुकुसें स्पेन फाइनलय् थ्यगु खः।

कासाया न्हापागु हाफया ८ मिनेटय् कोलो मुआनीं हेडपाखें गोल यासें फ्रान्सयात न्ह्यने थ्यकूगु खः। केलियन एम्बाप्पेया पासय् मुआनीं गोल याःगु खः। थ्व हे फ्रान्सं थुगुसीया धेंधेंबल्लाखय् न्हापांगु गोल यागु खः। आःतकया कासाय् विपक्षी टिमपाखें आत्मघाती गोलया ग्वाहालिं फ्रान्स सेमिफाइनल थ्यंगु खः।

स्पेनं ४ मिनेटया दुने निगू गोल यासें फ्रान्सयात बुकूगु खः। स्पेनया निंतिं कासाया २१ गुं मिनेटय् लामिनेट यमाल व कासाया २५ गु मिनेटय् डानी ओल्मों गोल याःगु खः। स्पेनं फाइनलय् थौं इंग्ल्यान्ड व नेदरल्यान्ड दथुइ सूत्यात व नाप फाइनलय् म्हितीइ।

Categorized in कासा