सरकारं सचिवतय्त सरुवा याःगु दु। २२ म्ह सचिव छक्वलं सरुवा यागु खः।

थौ सोमवाः च्वंगु मन्त्रिपरिषद बैठकं वर्तमान राजस्व सचिव रामप्रसाद घिमिरेयात अर्थ सचिवया जिम्मेवारी बिइगु निर्णय याःगु खःसा अर्थ सचिव जुयाच्वम्ह मधुकमार मरासिनीयात उपराष्ट्रपतिया ज्याकुथिइ सरुवा याःगु स्रोतं जानकारी ब्यूगु दु।थौंकन्हय् उद्योग, वाणिज्य लिसे आपूर्ति मन्त्रालयय् वाणिज्य सचिव जुयाच्वम्ह दिनेशकुमार घिमिरेयात राजस्व सचिवया जिम्मेवारी ब्यूगु दु।

केशवकुमार शर्मा भौतिक पूर्वाधार लिसे यातायात मन्त्रालयय् सचिव जुयादीगु दु। थौंकन्हय् वय्कः जल तथा ऊर्जा आयोगय् च्वनाच्वम्ह खः।अथे हे भौतिक पूर्वाधार लिसे यातायात मन्त्रालयया सचिव गोपालप्रसाद सिग्देलयात उर्जा सचिवय् सरुवा याःगु दु।

थौंकन्हय् श्रम, रोजगार व सामाजिक सुरक्षा मन्त्रालयय् सचिव जुयाच्वंम्ह घनश्याम उपाध्याययात अख्तियार दुरुपयोग अनुसन्धान आयोगय् सरुवा याःगु दु। आःया प्राधिकरणय् सचिव जुयाच्वंम्ह रामेश्वर डंगालयात रक्षा मन्त्रालयय् सरुवा याःगु दु।

Categorized in राष्ट्रिय