बागमती प्रदेशया मुख्यमन्त्री बहादुरसिं लामां प्रदेश सभाय् बहुमत अर्थात् ६४ सांसदया मत काःगु दु। मंगलबार प्रदेशसभा बैठकय् मुख्यमन्त्री लामां संविधानया धारा १६८ या उपधारा (४) व प्रदेश सभा नियमावली २०७४ या नियम १४३ याःगु उपनियम (१) कथं विश्वासया मत कायेगु लागि प्रस्ताव पेस याःगु खः।

११० सदस्यीय प्रदेश सभाय् सरकार गठनया लागि ५६ सांसदपिनिगु समर्थन माः। नेपाली कांग्रेसया ३७ व नेकपा एमालेया २७ सांसदपिन्स प्रस्तावया पक्षय् मत बिउगु खः। नेकपा माओवादी केन्द्र, नेकपा एकीकृत समाजवादी राप्रपा, हाम्रो नेपाली पार्टीया ३५ सांसदपिन्स प्रस्तावया विपक्षय् मत बिउगु खः।

नेमकिपा तटस्थ च्वंगु खः। थौ प्रदेशसभा बैठकय् १०३ म्ह सांसदपिनिगु उपस्थित दुगु खः।

Categorized in राष्ट्रिय