श्रीलंकाय् जूगु निक्वःगु एकदिवसीय कासाय् भारत घरेलु टिमलिसे बूगु खः। म्हिगः कोलम्बोया आर प्रेमदासा मैदानय् जूगु उगु कासाय् श्रीलंकां भारत विरुद्ध ३२ रनया अन्तरं त्याकूगु खः।

थ्व कासालिपा श्रीलंका स्वंगू कासाया श्रृंखलाय् १–० न्ह्यने लाःगु दु। थ्वसिबें न्ह्यः वंगु शुक्रवाः जूगु न्हापांगु कासा बराबरीइ क्वचाःगु खः।

म्हिगःया कासाय् श्रीलंकां ब्यूगु २४१ रनया लक्ष्ययात लिउने लाकाः भारतं ४२ ओभरय् अलआउट जुइ न्ह्यः २०८ रन जक दयेकूगु खः।

टस त्याकाः न्हापां ब्याटिङ याःगु घरेलु टिम श्रीलंकां निर्धारित ५० ओभरय् ९ विकेटय् २४० रन दयेकूगु खः।भारत व श्रीलंका दथुइ बुधवाः स्वंगूगु व लिपांगु एकदिवसीय कासा जुइत्यंगु दु।

Categorized in कासा