प्रधानमन्त्री केपी शर्मा ओलीयात नेपाल क्रसर लिसे खानी उद्योग व्यावसायी महासङ्घं थःपिनिगु उद्योगय् नवीकरण यायेगुलि वःगु समस्याबारे ध्यानाकर्षण याःगु दु।

प्रधानमन्त्री निवास बालुवाटारय् महासङ्घया अध्यक्ष सीताराम न्यौपानेनाप प्रतिनिधितय्स दर्ता यानतःगु ७ सय क्रसर लिसे फि उद्योगयात न्हापा थे मापदण्डया आधारय् नवीकरण याकेमाःगु माग याःगु दु।

वातावरणसम्बन्धी मापदण्ड, २०५४ व उद्योगया लागि दूरीसम्बन्धी मापदण्ड, २०७१ या आधारय् उगु उद्योग सञ्चालन जुयाच्वंगु २०७७ साल संशोधन जुगु मापदण्डं नवीकरण यायेत थाकुगु धका महासङ्घं धाःगु दु।

महासङ्घं उद्योग नवीकरण मजुया ४ अर्ब लगानी डुुब्बे जुइगु अवस्थाय् दुगुलि न्हापा दर्ता जुगु उद्योगयात कर दस्तुुर मकासे पुलागु हे मापदण्डया आधारय् नवीकरण याकेत व व्यवहारिक नाप न्हुगु मापदण्ड हयेत माग याःगु दु।

Categorized in राष्ट्रिय