शेयर बजारय् थौ झण्डै ३० अर्ब तका ऐतिहासिक कारोबार जूगु दु। थ्व स्वया न्ह्यः वंगु सोमवाः २७ अर्ब २४ करोड तकाया कारोबार जुगु खःसा थौ २९ अर्ब ९५ करोड तका स्वया अप्पो कारोबार जूगु दु।

६ करोड ८९ लाख ८० हजार कित्ता शेयर २९ अर्ब ९५ करोड ८५ लाख तकाया कारोबार जूगु खः। दकलय् अप्पो हिमालयन रि इन्सुरेन्स कम्पनीया ९१ करोड ३३ लाख तकाया शेयर कारोवार जुगु दु। नेप्सेय् थौ ३ हजार विन्दुइ थ्यःगु दु।

नेप्से थौ ४३ दशमलव शून्य ५ ल्याखं थहावना ३ हजार दशमलव ८१ विन्दइ थ्यःगु दु। न्हिनय् २ बजे शेयर बजाः ३ हजार ३६ विन्दुइ तक थ्यःगु दु। बन्द जुइगु इलय् धासा ३ हजार विन्दइ थ्यःगु खःसा नेप्से थौ स्वदँलिपा दकलय् अप्पो विन्दुइ थ्यःगु खः।

स्वगू कम्पनीया थौ शेयर थौ १० प्रतिशत स्वया अप्पो थहावंगु खः। समग्र बजाः थहावंगु दिं नेपाल फाइनान्सया शेयर धासा १० प्रतिशतले कुहावंगु खः।

Categorized in राष्ट्रिय