स्पानिस ला लिगाय् साविक विजेता रियल मड्रिड न्हुगु सिजनया न्हापागु कासाय् मायोर्कानाप बराबरी जूगु दु।

रियलं न्हापा गोलयागु खःसा लिपा मायवर्कानाप १–१ या बराबरी जुगु खः। मायोकाया मैदानय् रोड्रिगों १३ गु मिनेटय् गोल यासे रियलया निति न्हापागु गोल याःगु खः।

ब्राजिलियन टिममेट भिनिसयस जुनियरया पासय् उगु गोल याःगु खः। निगुगु हाफय् मायोर्का न बराबरी गोल याःगु खः।

मायोर्काया भेदात मुरिकी न ५३ गु मिनेटय् बराबरी गोल याःगु खः।स्टार कासामि केलिएन एमबाप्ले न थुगु कासाया ला लिगाय् डेब्यु याःगु खः। एमबाप्ले धाःसा उगु कासाय् गोल याये मफुत।

Categorized in कासा