प्रधानमन्त्री केपी शर्मा ओलीयात नेपाःया निति दक्षिण कोरियाया राजदूत पार्क ताइयोङं थौ नापलागु दु।

सिंहदरबारय् प्रधानमन्त्री लिसे मन्त्रिपरिषदया कार्यालय वना नापलायेगु झ्वलय् आर्थिक, व्यापार लगानी, पर्यटन नाप निगु पक्षय् दथुइ थीथी विषय ग्वहालि यायेगुलि सहलह जूगु खः।

प्रधानमन्त्री ओलीं नेपाःया थीथी थासय् विकास यायेगु निति दक्षिण कोरियाया ग्वहालि मदिक्क दइ धका भलसा कयादीगु खः। राजदूत पार्क न प्रधानमन्त्री ओलीया कार्यकाल सुथा लाक्क न्ह्याय् फय्मा धका कामना यानादीगु खः।

नापलायेगु झ्वलय् प्रधानमन्त्री लिसे मन्त्रिपरिषदया कार्यालय व परराष्ट्र मन्त्रालयया उच्चाधिकारीपिनिगु न ब्बति दुगु खः।

Categorized in राष्ट्रिय