यज्ञरत्न धाख्वाःयात हेमराज सिरपाः ११४४

लहनान्युज | गुँंलागा सप्तमी ११४४, भाद्र १० सोमवाः

नेपालभाषा, लिपि, साहित्य, संस्कृति ख्यलय् ज्वःमदुगु योगदान यानावयाच्वंगु संस्था वा ब्यक्तियात लःल्हाइगु हेमराज सिरपा थुगुसिइ नांजाम्ह साहित्यकार यज्ञरत्न धाख्वाःयात देछाइगु जूगु दु।

वाङमय शताब्दि पुरुष सत्यमोहन जोशीया कुतलं पलिस्था जूगु लोकसाहित्य परिषद्पाखें लःल्हाइगु थुगु हेमराज सिरपाः ११४४ थुगुसिइ नेपालभाषा, साहित्य, संस्कृति ख्यलय् नांजाःम्ह साहित्यसेवी यज्ञरत्न धाख्वाःयात छगू ज्याझ्वःया दथुइ लःल्हाइगु खँ लोक साहित्य परिषदं जानकारी बिइगु दु।थुगु सिरपाय् हनापौ व छगू लख तका देछाइगु खः।

नेपालभाषा, लिपि व संस्कृति थकायेगु ज्याय् मदिक्क योगदान यानादीम्ह मदुम्ह पं. हेमराज शाक्यया नामं नीस्वनातःगु खः। निदँय् छक्वः देछाइगु थुगु सिरपाः नेसं ११११ निसें निरन्तर लःल्हाना वयाच्वंगु दु।

थुगु सिरपा आःतकया दुने कयादीपि थुकथं दु

ने सं ११११ शंकरमान राजवंशी÷नेपाललिपि गुथि

ने सं १११२ नेपालभाषा मंकाः खलः

नेस १११४ नेपालभाषा न्ह्यसः लिसः कासा संचालन समिति

ने सं १११५ नेपाल संस्कृति लय् पौ

ने सं १११६लुँ ध्वाखा फय् पौ

ने सं १११८ लिपि थपु गुथि यल

नेस ११२१ हस्तलिपि कला सफू

ने सं ११२२ हेराकाजि बज्राचार्य

ने सं ११३६ मां भाय् पुचः

ने सं ११३८ इन्द्र माली

ने सं ११४० लक्ष्मीदास मानन्धर