नेकपा एकीकृत समाजवादीया खुम्ह उपाध्यक्षया निति जुगु मतदानया लिच्वः थौ पिहावःगु दु।

थौ सुथय् क्वचाःगु लिच्वः कथं गंगालाल तुलाधर, जगन्नाथ खतिवडा, प्रकाश ज्वाला, भानुभक्त जोशी, जयन्ती राई व धर्मनाथ प्रसाद साह उपाध्यक्षय् निर्वाचित जूगु दु। खुल्लापाखे जुगु प्यम्ह उपाध्यक्षया निति ११ म्हेसिगु उम्मेदवारी लाःगु खः।

गंगालाल तुलाधरं १ सय ८९ मत, जगन्नाथ खतिवडां १ सय ५१ मत, भानुक्त जोशीं १ सय ५६ व प्रकाश ज्वालां १ सय ४५ मत हया विजयी जूग्ु दु।अथे हे मिसा उपाध्यक्षय् रामकुमारी झाँक्रीयात पराजित यासे जयन्ती राई विजयी जूगु दु। राई न १ सय ८९ व झाँक्रीं १ सय १२ मत काःगु खः।

मधेसीपाखे उपाध्यक्षय् रामचन्द्र झायात पराजित याना धर्मनाथप्रसाद शाह विजयी जूगु दु। उपमहासचिवय् मेटमणि चौधरी, रामकुमार भट्टराई, राजेन्द्र राई व गरिमा शाह निर्वाचित जूगु दु।

सचिव दलितय् गणेशबहादुर विश्वकर्मा, आदिवासी जनजातिपाखे बलदेव चौधरी, खुल्लापाखे शेरबहादुर कुँवर, चन्द्रबहादुर शाही, सोमप्रसाद पाण्डे, सावित्रा कुमारी भुसाल व श्रीनाथ बराल विजयी जूगु दु।

३ सय ४४ म्ह केन्द्रीय सदस्य दुगुलि ३ सय २२ मत कुहावःगु खः।

Categorized in राजनीति