प्रधानमन्त्री केपी शर्मा ओलीं पारा ओलम्पिकय् नेपाःयात ऐतिहासिक कास्यपदक त्याकूम्ह कासामि पलेशा गोवर्धनयात सरकारं कर कटे मयासे ६५ लाख तका सिरपा बिइगु घोषणा यानादीगु दु।

प्रधानमन्त्री निवास, बालुवाटारय् छगु ज्याझ्वः यानादीसे प्रधानमन्त्री ओलीं कर कटे मयासे ६५ लाख हे बिइगु धका धयादीगु खः। पेरिस पारालिम्पिक २०२४ थ्व हे वंगु भदौ १४ गते क्वचाःगु के–४४ वर्ग अन्तर्गत मिसापिनिगु ५७ तौल समूहया प्रतिस्पर्धाय् पलेशां सर्वियाया मारिजा मिचेभयात १५–८ न पराण्जित यासे कास्य त्याकूगु खः।

पलेशा पारालिम्पिकय् पदक त्याकूम्ह न्हापाम्ह नेपाःया कासामि खः।उगु ज्याझ्वलय् कासाया प्रशिक्षक, व्यवस्थापक व ब्बति काःपि कासामिन्त न प्रधानमन्त्री ओलीं सम्मान यानादीगु खः।

Categorized in कासा