गाजापट्टीया दक्षिणी क्षेत्र खान युनिसय् शनिवाः न्हिनय् छम्ह प्यालेस्टिनी मचायात कुपोषण व उपचारया अभावं सीउगु  दु।

थ्व नाप कुपोषणं सीपि मस्ततयेगु ल्याः ३७ म्ह थ्यःगु दु। चिकित्सा स्रोत प्यालेस्टिनी समाचार समिति (वाफा) यात कुपोषण व नसाँ आपूर्तिया अभावं मस्त सीउगु दु धका धाःगु दु। गाजाय् ५० हजार स्वया अप्पो मस्ततय्त गम्भीर कुपोषणं ग्रस्त जुयाच्वंगु दु धका युनिसेफं घोषणा याःगु दु।

संयुक्त राष्ट्रं गाजापट्टीइ मानवीय अवस्था दयनीय दु धका चेतावनी बिउगु दु। गाजापट्टी च्वना च्वपिन्स अक्टोबर ७ निसे जुयाच्वंगु विनाशकारी इजरायली युद्धया कारणं अभूतपूर्व मानवीय व स्वास्थ्य सङ्कटया सामना यायेमाला च्वंगु दु।

Categorized in अन्तर्राष्ट्रिय