मदिक्क वा वया सीपिनिगु ल्याः २०५ थ्यःगु दु।

वंगु असोज ११ गतनिसे देय् या थी थी थासय् मदिक्क वाः वया खुसि वा वया व चलः वया सोमवाः न्हिनय् तक सीपिनिगु ल्याः २ सय ५ म्ह थ्यःगु दु।उगु विपदय् लाना स्वनिगलय् ५६ म्ह, कोशी प्रदेशय् १७ म्ह, मधेश प्रदेशय् न्याम्ह, बागमती प्रदेशय् १ सय २५ म्ह, लुम्बिनी प्रदेशय् निम्ह याना २ सय ५ म्ह सीउगु दु धका प्रहरीया केन्द्रीय कार्यालयं प्रकाशन याःगु बुलेटिनय् उल्लेख दु।

अथेहे खुसि वा वया व चलः वया स्वनिगलय् २४ म्ह, कोशी प्रदेशय् १३ म्ह, मधेश प्रदेश च्याम्ह, बागमती प्रदेशय् ८५ म्ह याना १ सय ३० म्ह घाःपाः जूगु दु।अथेहे स्वनिगलय् २ हजार १ सय ५५ म्ह, कोशी प्रदेशय् २ सय ९० म्ह, मधेस प्रदेशय् ३५ म्ह, बागमती प्रदेशय् ७ सय ४५ म्ह व गण्डकी प्रदेशय् ९ सय ९७ म्ह याना जम्मा ४ हजार २ सय २२ म्हेसित उद्दार याःगु दु सा २४ म्ह बेपत्ता जूगु दु।

उमित मालेगु ज्या जुयाच्वंगु दु।

Categorized in राष्ट्रिय