ओली प्रधानमन्त्री केपी शर्मा ओली शान्ति प्रक्रियाया ल्यं दुगु ज्यायात निष्कर्षय् थ्यंकेत वर्तमान सरकार सफल जूगु धयादिल।

सरकार गठन जूगु सँछि दिंया उपलब्धिबारे सिंहदरबारंं सम्बोधनयासें प्रधानमन्त्री ओलीं धयादिल – ‘सत्य निरूपण व मेलमिलाप आयोग, २०७१’ यात संशोधन यायेत दयेका तःगु विधेयक सर्वसम्मतिं स्वीकृत जुया प्रमाणीकरण समेत जुइ धुकूगु दु धयादिल।

“शान्ति प्रक्रियायात पूर्णता बिइत आयोग गठनया निंति सिफारिस समिति नीस्वंगु दु, उकिं आयोग गठनया प्रक्रिया न्ह्याकूगु दु”, प्रधानमन्त्रीे ओलींं धयादिल – “ताः ई तक्क द्वन्द्व फगु झीगु समाजया निंति थ्व सुखद् सन्देश खः।”

वय्कलं थ्व ई दुने थी थी मन्त्रालयनाप सम्बन्धित प्यंंगु दर्जन स्वयां अप्वः ऐन, नियम व कार्यविधिलय् सहमति जुइ धुकूगु खँ नं कनादिल।

Categorized in राष्ट्रिय