टर्कीया छगु उड्डयन कम्पनिइ आक्रमण जुगुलि न्याम्ह मनू सीउगु दु। अथेहे २२ म्ह घाःपाः जूगु दु। राजधानी अंकारापाखे ४० किलोमिटर तापाक्क आक्रमण जूूगु धका बीबीसीं धाःगु दु।

आक्रमणकारीत ट्याक्सीइ वया यःयः थे गोली चले याःगु खः।उगु घटना लिपा सार्वजनिक जूगु सिसिटिभी फुटेजय् खने दु धका धाःगु दु। उमिसं अन वना न्हापां बम विष्फोट याना वयालिपा गोली चले याःगु खः। थुगु घटना लिपा आक्रमणकारीं आत्मघाती बम विष्फोट याःगु खः।

स्थानीय सञ्चार माध्यमया कथं उगु कम्पनीइ १५ हजार मनूत ज्या याइ। टर्कीइ थ्व स्वया न्ह्यः न अन आक्रमण याःगु खः।वया लिउने चरमपन्थी सङ्गठन कुर्दिस्तान वर्कर्स पार्टी (पीकेके) या नां वःगु दु।

Categorized in अन्तर्राष्ट्रिय