राष्ट्रिय समाचार समिति(रासस) पाखें राससनाप स्वापू दूगु ऐतिहासिक महत्वया प्यपाः किपाः त्रिभुवन विशवविद्यालय पत्रकारिता व आमसञ्चार केन्द्रीय विभागयात लःल्हागु दु।

किपाः लःल्हासें राससया कार्यकारी नायः धर्मेन्द्र झा न पत्रकारिता व आमसञ्चार ब्वनिपिं ब्वनामितय् निंति राससपाखें उपलब्ध यानाब्यूगु किपात ज्याःख्यलय् दै धकाः भलसा प्वंका दिल।

विभागया प्रमुख डा कुन्दन अर्यालं पत्रकारिता व आमसञ्चार विषयया उच्चशिक्षाया अध्यापनया नापनापं थुकिया चीहाकःगु तालिम ज्याझ्वः नं याये त्यनागु खँ कनादिल।

उगु ज्याझ्वलय् राससया महाप्रवन्धक सिद्धराज राई, नायब महाप्रवन्धक सोमनाथ लामिछाने, प्रधान सम्पादक उत्तम सिल्वाल व आलेख शाखा प्रमुख कृष्ण अधिकारी नं दूगु खः।

Categorized in राष्ट्रिय