समता घरेलु लघुवित्तया एफपीओय् थौ सोमवाःनिसे आवेदन चाःगू दु। कम्पनीं ३ लाख ५० हजार ९०४ कित्ता एफपीओ जारी यायेत्यःगु खः।

प्रतिकित्ता १ सयया दरं जारी जुइगु एफपीओय् सर्वसाधारणं थौनिसे कात्तिक २० गतेतक आवेदन बिइफइ। कम्पनीं एफपीओपाखे कुल ३ करोड ५० लाख ९० हजार ४२५ तका संकलन यायेफइ।

अनलाइन प्रणाली मेरोसेयर व थःगु खाता दुगु बैंक व वित्तीय संस्थाया शाखापाखे एफपीओ याये फइ धका धाःगु दु। न्यूनतम १० व अप्पो १ हजार कित्ताया निति आवेदन बिइ फइ।

एफपीओ निष्कासन नाप बिक्री प्रवन्धकय मुक्तिनाथ क्यापिटलयात ल्यःगु दु।बैंक व वित्तीय संस्थां सर्वसाधारणय् म्हति ३० प्रतिशत सेयर निष्कासन यायेमाःगु प्रावधान दु।

Categorized in राष्ट्रिय