नेकपा एमाले न मंसिर १६ गते जुइगु स्थानीय तह उपनिर्वाचनया निति उम्मेदवार क्वःछिउगु दु।

महासचिव शंकर पोखरेलया उपस्थितिइ काठमाडौं जिल्ला कमिटीया बैठकं किपू नगरपालिकाया मेयरय् उपनिर्वाचन जुइगुलि वडाध्यक्षया उम्मेदवारपि निर्विरोध कथं याःगु खः।नगर कमिटीया निर्णययात सदर यासे उगु बैठकं किपू नगरपालिकाया मेयर पदय् केन्द्रीय सदस्य डा.सुरेन्द्र मानन्धरयात उम्मेदवार दयकेगु निर्णय पोलिट्ब्यूरो सदस्य कृष्ण राई न जानकारी ब्यूगु दु।

बैठकं किपू–१ या वडाध्यक्षय् हर्ष महर्जन व ४ या वडाध्यक्षय् बद्री बुढाथोकीयात उम्मेदवार दयकेगु निर्णय याःगु दु।

अथेहे येँ महानगरपालिका–१६ या वडाध्यक्षय् लक्ष्मीरत्न तुलाधरयात सर्वसम्मत उम्मेदवार दयकेगु निर्णय जूगु दु धका पोलिट्ब्यूरो सदस्य राई न जानकारी ब्यूगु दु।

Categorized in राजनीति