नेकपा एमाले न मानव तस्करीया द्धपनय् प्रदेशसभा सदस्य नाप पूर्वमन्त्री लिलाबल्लभ अधिकारीयात छानबिन यायेत माग याःगु दु।

एमालेया कोशी प्रदेश कमिटीं विज्ञप्ति पिकया अनुसन्धान याना सत्य तथ्य पत्ता लगे मजुतले अधिकारीयात पार्टी याःगु छु न तहय् मदइगु कथं निलम्बन जुगु जानकारी याःगु दु।

‘नेकपा एमाले अविचलित कथं कानुनी शासनया पक्षय् दना वयाच्वंगु जिम्मेवार पार्टी जूगुलि अधिकारीं याःगु भ्रमण नाप स्वागू मानव तस्करी थे जाःगु गम्भीर द्धपः दुगु सम्बन्धय् याकन हे छानबिन व माःगु कथं अनुसन्धान याना सत्य तथ्य सार्वजनिक यायेत नेपाल सरकार व सम्बन्धित निकाया गम्भीरतापूर्वक ध्यानाकर्षण यायेत’ एमाले प्रदेश अध्यक्ष घनश्याम खतिवडां विज्ञप्ति पिकागु दु।

अधिकारीयात पार्टीया राष्ट्रिय प्रतिनिधि परिषद सदस्य व एमालेया संगठित सदस्य तक निलम्बन याःगु दु धका खतिवडां धाःगु दु। मन्त्रिपरिषदं भ्रमण स्वीकृत मयासे जापान वःगु मन्त्री अधिकारीनाप मे मेपि न जापान वःगुलि मानव तस्करीया द्धपः बिउगु खः। अधिकारीं थाःगु पदं राजीनामा बिइ धुकुगु दु।

Categorized in राजनीति