वरिष्ठ हास्यव्यङ्ग्य कलाकार हरिवंश आचार्यया ६८ दँया बुदिं थौ यलया मंगलबजारय् हंगु दु। यल महानगरपालिका– १६ वडा कार्यालयपाखे वडाध्यक्ष निर्मलरत्न शाक्यं आचार्ययात हनापौ लःल्हागु खः।

यल लाय्कूलि चाः ह्यूवःपिन्स तक आचार्ययात बुदिंया भिंतुना ब्यूगु खः। कलाकार आचार्यया भिं उसाँय्या कामनायासे नेवाः परम्परा कथं खेँ सगं ब्यूगु खः।

वरिष्ठ कलाकार मदनकृष्ण श्रेष्ठ, किरण केसी, नरेन्द्र कंसाकार व शिवहरि पौडेलपिनिगु न ब्बति दुगु खः।अथेहे उगु ज्याझ्वलय् रोटरी क्लब अफ यल, नेपाल अर्बुद रोग निवारण संस्था यल शाखा, मदनदेवी फाउण्डेशन, वडा १६ या मंकाः ग्वसालय् हिं दान ज्याझ्वः न जुगु खः।

Categorized in मनोरन्जन