बैङ्किङ कसुर मुद्दाय् बिस्युं वनाच्वंम्ह प्रतिवादी दिव्य श्रेष्ठयात यलया जाह्वलाख्यलय् ज्वंगु दु। धनुषाया जनकपुर उपमहानगरपालिका–९ या ३७ दँयाम्ह श्रेष्ठयात स्वनिगः अपराध अनुसन्धान ज्याकुथि टेकुं वंपिं प्रहरीं ज्वंगु खः।

उच्च अदालत यलं न्हापांगु दँया असार ३ गते वय्कःयात बैंकिङ कसूर मुद्दाय् निला कैद, बिगो निगू करौड व ५० लख जरिवाना व क्षतिपूर्तिबापत पीडित राहतकोषय् १० लख मुंकेत उजं ब्यूगु खः। फैसला धुँका वय्कः बिस्युं वनाःच्वंगु खः।

प्रतिवादी श्रेष्ठयात फैसला कार्यान्वयनया निंतिं जिल्ला अदालत यल लगनखेल छ्वःगु केन्द्रीय प्रहरी प्रवक्ता प्रहरी नायब महानिरीक्षक दानबहादुर कार्कीं न्ह्यथनादिगु दु।

Categorized in अपराध